Baca umugani mu kinyarwanda ngo akabaye icwende ntikoga, nubwo u Rwanda rurira ngo barufatiye ibihano mu bya gisirikari, ntirwigeze ruhagarika umugambi rusanganywe wo kurimbura abantu mu burasirazuba bwa Congo. Amakuru Ikaze Iwacu ikesha abaturage batuye hafi yo mu Kinigi, aravuga ko mu ijoro ryo ku itariki ya 6 rishyira iya 7 ukwakira, 2013, ingabo z'u Rwanda nyinshi zambutse umupaka zerekeza muri Congo.
Abazibonye bavuga ko haraye hambutse batayo 2 gusa, kubera ko byageze hagati mu gicuku, izo ngabo zambukaga zikaraswa ho urufaya rw'amasasu n'abantu bataramenyekana neza bari bibereye mu kirunga, maze biba ngombwa ko baba bahagaritse iki gikorwa cyo kwambuka. Ingabo za forces speciales zabaga mu migano ngo zicunze umwanzi, inyinshi muri zo zahasize agatwe.
Amakuru dukesha bamwe mu basirikari ba RDF bari i Musanze, tutari buvuge amazina kubera impamvu z'umutekano wabo, avuga ko inzego z'iperereza za DMI zababwiye ko ubu hari abarakare bakwiriye mu Rwanda hose bitwa « INDATSIMBURWA », biyemeje kurwanya FPR batitangiriye itama. DMI ngo ikaba idashidikanya ko ari bo baraye bagabye igitero kuri izo ngabo za forces speciales za RDF zari ziri kwambuka zijya muri Congo.
Aya makuru akomeza avuga ko ingabo z'u Rwanda, kubera gutungurwa zaruciye zikarumira, kugira ngo abaturage batamenya ko zaraye zikubiswe. Ubu ngo byabayobeye, ntibazi icyo bazabeshya ku maradiyo, ubusanzwe bajyaga bavuga FDLR, none dore hajeIndatsimburwa. Aya makuru akomeza avuga kandi ko mu Ndatsimburwa harimo n'abasirikari benshi ba RDF, bamaze kurambirwa igitugu cya FPR. Harahagazwe da!Louise Mushikiwabo noneho arazibambwa azerekeza he, ko igihugu kizengurutswe n'abagiye kubohoza abaturage mu maboko ya FPR. Reka dutegereze gato, tuzabagezaho iby'INDATSIMBURWA muri iyi minsi.
Gasigwa Norbert
No comments:
Post a Comment